Жұмсақ контактілі линзалар Bausch + Lomb ULTRA^® 3 дана

Bausсh + Lomb ULTRA (samfilcon A) жұмсақ жанаспалы линзалары көз аурулары болмайтын, көру өткірлігіне әсер етпейтін 2.00 диоптрий және одан азырақ астигматизмді афакиясы бар пациенттерде рефракторлық аметропияны (миопия мен гиперопияны) түзету мақсатында күнделікті тағуға арналған. Сфералық күші +20.00 D-ден -20.00 D-ге дейінгі линзалар жиі/жоспарлы ауыстырумен немесе бір рет тағу үшін пайдаланылуы мүмкін.

Ұсынылатын тағу кезеңі:
Күндіз тағу — (түнде алып тастаған жағдайда) — 30 күн.
Үзіліссіз тағу (түнде алмастан) — 7 күн және 6 түн бойы үздіксіз тағып, содан соң линзаларды алып, қайта пайдаланбас бұрын тазалап, жуып, дезинфекциялау қажет. Үзіліссіз тағу кезінде линзаларды ауыстыру мерзімі — ұсынуларға сәйкес 30 күнге дейін
Бір реттік тағу
Baush + Lomb ULTRA (samfilcon A) жұмсақ жанаспалы линзалары бір рет тағуға тағайындалғанда, алып тастағаннан кейін оларды жою керек.

Егер пациентте төмендегі құбылыстардың кез-келгені байқалса, жұмсақ жанаспалы линзаларды пайдалану қарсы көрсетілімде:
— көздің алдыңғы камерасының жедел және жеделге жуық қабынуы;
— мөлдір қабыққа, конъюнктиваға немесе қабақтарға әсер ететін кез-келген көз аурулары, жарақаты немесе бұзылу;
— көз жасы секрециясының ауыр жеткіліксіздігі (құрғақ көз синдромы);
— мөлдір қабық гипоэстезиясы (мөлдір қабықтың сезімталдығының төмендеуі);
-жанаспалы линзаларды тағып жүру салдарынан немесе көзге әсер беретін кез келген басқа жүйелі аурулар;
— жанаспалы линзаларды тағып жүру немесе жанаспалы линзаларға арналған ерітінділерді пайдалану салдарынан туындауы немесе асқынуы мүмкін көз шырышты қабығының немесе айналасындағы тіндердің аллергиялық реакциялары;
— мөлдір қабықтың кез-келген белсенді (бактериялық, зеңдік немесе вирустық) инфекциясы.

Линзаларды қалай тағу керек
Линзаларды тағудың алдында ағып тұрған су астында қолыңызды міндетті түрде сабындап жуыңыз. Қолыңызды қылшық қалдырмайтын орамалмен сүртіңіз немесе оны жай құрғатыңыз. Қолдың тазалығы мен гигиенасын сақтау — жанаспалы линзаларды қауіпсіз тағып жүрудің маңызды шарты екені есіңізде болсын.
Линзаны тағудың екі тәсілі бар.
Олардың Сізге ыңғайлырағын пайдаланыңыз.
1. Линзаны оң қолыңыздың сұқ саусағы үстіне қойыңыз, линзаның пішінінің сақталғанын тексеріңіз.

Сондай-ақ линзаның таза және зақымдануы жоқ екенін тексеріңіз. Осы қолыңыздың ортаңғы саусағымен астыңғы қабағыңызды тартыңыз. Көзіңізді жоғары қаратыңыз және линзаны қарашықтан төменірек көздің ақ бөлігіне абайлап салыңыз. Сұқ саусағыңызды линзадан алыңыз. Линзаны дәл ортаға келтіру үшін көзіңізді төмен түсіріңіз. Тартылған төменгі қабағыңызды абайлап жіберіңіз. Линзаның жақсы отыруы үшін көзіңізді қысқа уақытқа жабыңыз. Көру өткірлігінің артуы — қалыпты отыруының критерийі. Жоғарыда көрсетілген операцияларды басқа линзамен де қайталаңыз.
2. Қобдишадан оң линзаны шығарыңыз. Сол қолыңыздың ортаңғы саусағымен үстіңгі қабағыңызды қасыңызға қарай тартыңыз. Линзаны оң қолыңыздың сұқ саусағы үстіне қойыңыз және осы қолыңыздың ортаңғы саусағымен астыңғы қабағыңызды тартыңыз.
Сұқ саусағыңызбен линзаны көзіңізге салыңыз. Қабақтарыңызды көрсетілген күйде ұстап тұрып, линзаны ортаға дәл келтіру үшін көзіңізді төмен түсіріңіз. Тартылған қабақтарыңызды абайлап түсіріңіз. Жоғарыда көрсетілген операцияларды екінші линзамен де қайталаңыз.
Линзаларды қалай шешу керек
Көзіңізді жоғары қаратыңыз және тиісті қолыңыздың ортаңғы саусағымен астыңғы қабағыңызды тартыңыз. Сұқ саусағыңыздың ұшын линзаның шетіне қойыңыз. Линзаны төмен немесе бір жағына қарай жылжытыңыз. Линзаны бас бармағыңыз бен сұқ саусағыңыздың арасына абайлап қыстырыңыз және оны көзіңізден алып тастаңыз.

Мынадай бірқатар симптомдар пайда болуы мүмкін:
- көздің ауыруы
- көздің ашып күйдіріп ауыруы және қышуы (тітіркенуі)
- бұрыннан бар тәжірибеге қарағанда линзаны едәуір аз жайлылықпен тағу
- көздегі жағымсыз сезіну (бөгде дене, тырналу)
- жас ағудың күшеюі
- көзден әдеттен тыс бөлінулер
- көздің қызаруы
- көру өткірлігінің азаюы
- көрудің бұлыңғырлануы, заттар контуры бойынша кемпір қосақтың немесе нимбтің пайда болуы
- жарықты сезінудің өзгеруі (фотофобия)
- көздің құрғауы

Көрсетілген симптомдар пайда болғанда:
— линзаларды дереу алып тастау
— егер жайсыздық тоқтаса, линзаларды мұқият қарап шығу
— қандай да бір зақымдануларды анықтағанда линзаны орнатпау керек
— линза ластанғанда, онда кірпіктің болуында, сондай-ақ бар проблемалар жоғалып кетсе, ал линзада кемістік байқалмаса да, оны мұқият тазарту, жуу, дезинфекциялау және қайта орнына салу керек.
— егер аталған симптомдар линзаны алып тастағаннан кейін де сақталатын болса немесе оны орнына салғаннан кейін қайта пайда болса, линзаны дереу алып тастау керек. Пациент дереу офтальмолог маманға немесе жалпы тәжірибе дәрігерге қаралуы тиіс, ол тексеру жүргізудің, емдеудің қажетілігін анықтайды немесе кеңес береді.

Пайдалану нұсқаулығында ескерілмеген

Сақтық шаралары
— егер сізде олардың құрамына кіретін кез-келген компонентке аллергия болса, линзаларды пайдалануға болмайды.
— қаптамасы немесе линза зақымданса пайдаланбау керек.
— линзаларды дәрігер ұсынған немесе нұсқаулығында көрсетілген уақыттан ұзақ тағуға болмайды.
— жергілікті қолданылатын көз препараттарымен бір сәтте пайдалануға болмайды.
— көздің инфекциялық зақымдануында қолдануға болмайды.
Тазартқыш ерітінділерді пайдалану кезіндегі cақтық шаралары
Baush + Lomb (самфилкон A) жанаспалы линзаларын тазарту үшін Allergan Ultracare дезинфекциялық жүйесін және оның кез-келген компоненттерін (Oxysept Ultracare дезинфекциялағыш ерітіндісін, Oxysept, бейтараптандырғыш таблеткаларын, Ultrazyme энзимді тазартқыш ерітіндісін) қолдануға болмайды, өйткені бұл олардың пішіні өзгеруін туындатуы мүмкін.